کرکٹ آسٹریلیا (سی اے )کے زیر اہتمام پہلا میچ ہوبارٹ ہریکنز اور سڈنی تھنڈر کی خواتین ٹیموں کے درمیان سڈنی کرکٹ گرائونڈ، سڈنی میں کھیلا جائے گا۔
دوسرے میچ میں برسبین ہیٹ اور پرتھ سکارچرز کی خواتین ٹیمیں ایلن بارڈر فیلڈز، برسبین کے مقام پر کھیلیں گی، ٹورنامنٹ میں 8 ٹیمیں ٹائٹل کے حصول کے لئے پنجہ آزمائی کررہی ہیں۔
جن میں ایڈیلیڈ سٹرائیکرز، برسبین ہیٹ،ہوبارٹ ہریکنز ،میلبورن رینیگڈز، میلبورن سٹارز، پرتھ سکارچرز، سڈنی سکسرز اور سڈنی تھنڈر شامل ہیں۔
ٹورنامنٹ میں ایڈیلیڈ سٹرائیکرزکی ٹیم ٹائٹل کا دفاع کے لئے کوشاں ہے، ٹورنامنٹ ڈبل رائونڈ روبن اور ناک آئوٹ فائنلز کی بنیاد پر کھیلا جا رہا ہے ، ٹورنامنٹ 2 دسمبر کو اختتام پذیر ہوگا۔
لیگ میں فائنل سمیت 59 میچز ہوں گے ، ڈبلیو بی بی ایل کے نویں ایڈیشن میں شامل 8 ٹیموں کے درمیان 56 لیگ میچز کھیلے جائیں گے جس کے بعد ناک آئوٹ مرحلے میں ایک میچ ایلیمینٹراور ایک میچ چیلنجر اور ایک فائنل کھیلا جائے گا۔