جنوبی افریقا اور بنگلہ دیش کی ویمنز ٹیموں کے درمیان تین ایک روزہ بین الاقوامی کرکٹ میچوں پر مشتمل سیریز کا پہلا میچ ہفتہ کو بفیلو پارک، مشرقی لندن میں کھیلا جائے گا۔
دونوں ٹیموں کے درمیان کھیلی گئی تین ٹی ٹونٹی میچوں کی سیریز 1-1 سے برابری پر ختم ہوگئی تھی۔ پہلے ٹی ٹونٹی میچ میں بنگلہ دیشی ویمن ٹیم نے میزبان جنوبی افریقی ویمن ٹیم کو 13 رنز سے شکست دی تھی۔
دونوں ٹیموں کے درمیان تین میچوں کی سیریز کا دوسرا میچ بارش کی نذر ہوگیا تھا،تیسرے ٹی ٹونٹی میچ میں جنوبی افریقن ویمن ٹیم نے مہمان بنگلہ دیشی ویمن ٹیم کو 8 وکٹوں سے شکست دی تھی۔
دونوں ٹیموں کے درمیان تین ون ڈے میچوں کی سیریز کا دوسرا میچ 20 دسمبر کو سینویس پارک، پوٹچفسٹروم میں کھیلا جائے گا جبکہ تیسرا اور آخری ون ڈے میچ 23 دسمبر کو ولو مور پارک، بینونی میں کھیلا جائے گا۔