پاکستان فٹبال ٹیم کے ڈیفنڈر عبداللہ اقبال کا سوئیڈش ٹاپ لیگ کی ٹیم سے معاہدہ ہوگیا،عبداللہ اقبال کو سوئیڈیش کلب میئلبی اے آئی ایف نے ڈنمارک کے بی 93 کلب سے حاصل کیا۔
سوئیڈش کلب نے عبداللہ اقبال کو حاصل کرنے کے لیے 2 لاکھ یورو کی فیس ادا کی،سوئیڈن کے فٹبالرز کرسٹن ولیمسن اور میٹیاس ایسپر بھی اس کلب کا حصہ رہ چکے ہیں۔
عبداللہ اقبال نے پاکستان کی جانب سے 14 انٹرنیشنل میچز کھیلے ہیں۔ عبداللہ نے دو انٹرنیشنل میچز میں پاکستان فٹبال ٹیم کی قیادت بھی کی ہے۔