ساف فٹبال چیمپئین شپ، قومی فٹبال ٹیم بھارت پہنچ گئی

بنگلور (شوریٰ نیوز)ساف فٹبال چیمپئین شپ، قومی فٹبال ٹیم بھارت پہنچ گئی،گرین شرٹس کی ٹیم بغیر پریکٹس آج شام بھارت کے خلاف میچ کھیلے گی، ٹورنامنٹ سے محض ایک روز قبل بھارت کی جانب سے گرین شرٹس کو ویزے جاری کیے گئے، قومی ٹیم کو آج شام میں روایتی حریف خلاف شام 8 بجے سری کانتیراوا اسٹیڈیم میں میچ کھیلنا ہے۔قومی ٹیم کو ویزا کے اجرا میں تاخیر اور میچ ری شیڈول کرنے سے منتظمین کے انکار کے بعد قومی ٹیم کے کھلاڑی تھکن کا شکار ہیں جبکہ انہیں پریکٹس کا کوئی موقع بھی نہیں مل سکا۔ساف فٹبال؛ منتظمین کا پاک بھارت میچ ری شیڈول کرنے سے صاف انکار،گرین شرٹس تاخیر کی وجہ سے اپنی مقررہ پرواز سے روانہ نہیں ہوسکی، قومی ٹیم کو گزشتہ روز ممبئی ایئر پورٹ پہنچنا تھا۔مطلوبہ پرواز ملنے کی صورت میں ٹیم بدھ کی صبح بنگلور پہنچی ہے جبکہ سفری تھکن کے باعث کھلاڑی پریکٹس سے بھی محروم رہ سکتے ہیں۔پاکستان کو اپنا دوسرا میچ 24 جون کو کویت اور تیسرا 27 تاریخ کو نیپال کے خلاف کھیلنا ہے، ایونٹ 4 جولائی تک شیڈول ہے۔