آئی سی سی ورلڈ کپ کوالیفائر کے دو میچز ز کل مبابوے میں ہوں گے

بلاوائیو (شوریٰ نیوز) آئی سی سی ورلڈ کپ کوالیفائر کے دو میچز ز کل مبابوے میں ہوں گے،پہلا میچ سری لنکا اور اومان جبکہ دوسرا سکاٹ لینڈ او یو اے ای کی ٹیموں کے درمیان ہو گا،آئی سی سی مینز کرکٹ ورلڈ کپ کے کوالیفائر میچز کا آغاززمبابوے میں ہوچکا ہے ۔کوالیفائر میں کل(جمعہ کو) مزید دو میچوں کا فیصلہ ہوگا۔ پہلا میچ سری لنکا اور اومان کی ٹیموں کے درمیان کوئنز سپورٹس کلب، بلاوائیومیں کھیلا جائے گا۔سری لنکا کی ٹیم کو داسن شاناکا لیڈ کر رہے ہیں جبکہ اومان کی ٹیم ذیشان مقصود کی زیر قیادت میدان میں اترے گی۔ اسی روز دوسرا میچ سکاٹ لینڈ اور متحدہ عرب امارات کی ٹیموں کے درمیان بلاوائیو ایتھلیٹک کلب، بلاوائیومیں کھیلا جائے گا۔ سکاٹش کی ٹیم کو رچی بیرنگٹن لیڈ کر رہے ہیں جبکہ یو اے ای کی ٹیم کو محمد وسیم لیڈ کریں گے۔انٹرنیشنل کرکٹ کونسل (آئی سی سی)کے مطابق آئی سی سی کے زیر اہتمام رواں سال شیڈول ورلڈ کپ میں جگہ بنانے کے لئے 10 ٹیمیں کوالیفائر میں مدمقابل ہیں ۔سابق ورلڈ چیمپئنز ویسٹ انڈیز اور سری لنکا کی ٹیمیں بھی براہ راست ورلڈ کپ کیلئے کوالیفائی نہ کر سکیں۔ وہ بھی کوالیفائر میچز میں پنجہ آزمائی کر رہی ہیں۔ ویسٹ انڈیز، زمبابوے، نیدرلینڈز، نیپال اور یو ایس اے کی ٹیموں کو گروپ اے میں ہیں ۔ سری لنکا، آئرلینڈ، سکاٹ لینڈ، اومان اور یو اے ای گروپ بی کا حصہ ہیں ۔ کوالیفائر میچز 9 جولائی تک زمبابوے میں کھیلے جائیں گے۔