زمان خان نے انگلینڈ کے ٹی20 بلاسٹ لیگ میں اپنا لوہا منوالیا
11 میچ کھیلے اور 17.5 کی اوسط سے 19 وکٹیں لیں، اکانومی ریٹ 8.3 رہا
ناٹنگم (شوریٰ نیوز)زمان خان نے انگلینڈ کے ٹی20 بلاسٹ لیگ میں اپنا لوہا منوالیا،11 میچ کھیلے اور 17.5 کی اوسط سے 19 وکٹیں لیں، اکانومی ریٹ 8.3 رہا، قومی کرکٹ ٹیم کے نوجوان فاسٹ بولر زمان خان کی انگلینڈ کی ٹی20 بلاسٹ میں شاندار کارکردگی کا سلسلہ جاری ہے۔نارتھمپٹن شائر کے خلاف میچ میں ڈربی شائر کی نمائندگی کرتے ہوئے زمان خان نے 4 اوورز میں 26 رنز دیکر 3 کھلاڑیوں کو پویلین کی راہ دیکھائی جبکہ سیزن میں مشترکہ طور پر سب سے زیادہ وکٹیں لینے والے چوتھے کھلاڑی بننے کا اعزاز بھی حاصل کرلیا، انہوں نے ٹورنامنٹ میں مجموعی طور پر 19 وکٹیں حاصل کررکھی ہیں۔ٹی20 بلاسٹ میں زمان کی کارکردگی اب تک قابل تعریف رہی ہے، انہوں نے 11 میچ کھیلے اور 17.5 کی اوسط سے 19 وکٹیں حاصل کیں، جس کا اکانومی ریٹ 8.3 رہا۔