آئیگا نتالیہ سوئیٹک کا ویمنز سنگلز ، نوویک جوکووچ کا مینز سنگلز میں فاتحانہ آغاز

لندن (شوریٰ نیوز) آئیگا نتالیہ سوئیٹک کا ویمنز سنگلز ، نوویک جوکووچ کا مینز سنگلز میں فاتحانہ آغاز ،ومبلڈن اوپن ٹینس، فیلکس اوجرالیاسائم ابتدائی رائونڈ میںایونٹ باہر ہوگئے،پولینڈ کی ٹینس سٹار ، عالمی نمبر ایک اور میگا ایونٹ کی ٹاپ سیڈڈ آئیگا سوئیٹک نے ومبلڈن اوپن ٹینس میں خواتین کے سنگلز مقابلوں میں اور سربیا کے شہرت یافتہ ٹینس سٹار اور دفاعی چیمپئن نوویک جوکووچ مردوں کے سنگلز مقابلوں میں فاتحانہ آغاز کرتے ہوئے دوسرے رائونڈ میں پہنچ گئے جبکہ کینیڈین ٹینس کھلاڑی فیلکس اوجرالیاسائم ابتدائی رائونڈ میں اپ سیٹ شکست کے بعد میگا ایونٹ باہر ہوگئے۔میگا ایونٹ کی ٹاپ سیڈڈ آئیگا سوئیٹک نے ویمنز سنگلز مقابلوں کے ابتدائی رائونڈ میں چینی حریف کھلاڑی ژو لن کو شکست دی جبکہ سربین سٹار نے میگا ایونٹ کے مینز سنگلز مقابلوں پہلے میچ میں حریف ارجنٹائن کے پیڈرو کیچن کو شکست دی۔سال کے تیسرے گرینڈ سلام ومبلڈن اوپن ٹینس کے دلچسپ مقابلے انگلینڈ میں شروع ہو چکے ہیں ۔ سب سے زیادہ 23 گرینڈ سلام ٹائٹل جیتنے والے نوویک جوکووچ نے مینز سنگلز مقابلوں کے پہلے رائونڈ میں شاندار کارکردگی کا مظاہرہ کرتے ہوئے حریف ارجنٹائن کے کھلاڑی پیڈرو کیچن کو 3-6، 3-6 اور 6-7(4-7) سے شکست دی اور دوسرے رائونڈ کیلئے کوالیفائی کیا۔سربین سٹار نوویک جوکووچ آٹھویں مربتہ ومبلڈن اوپن جیتنے کے لئے کوشاں ہیں۔ ادھر خواتین کے سنگلز مقابلوں کے ابتدائی رائونڈ میں میگا ایونٹ کی ٹاپ سیڈڈ آئیگا سوئیٹک نے انتہائی شاندار کھیل پیش کرتے ہوئے چینی حریف کھلاڑی ژولن کو سٹریٹ سیٹس میں 1-6 اور 3-6 سے شکست دے کر نہ صرف میگا ایونٹ کا فاتحانہ آغاز کر دیا بلکہ دوسرے رائونڈ کے لئے کوالیفائی کرلیا،جہاں ان کا مقابلہ ہسپانوی کھلاڑی سارہ سوریبس ٹورمو سے ہوگا۔