جہانگیر ترین کے بھائی ملتان سلطانز کے مالک عالمگیر ترین کی خودکشی

لاہور(شوریٰ نیوز)جہانگیر ترین کے بھائی ملتان سلطانز کے مالک عالمگیر ترین کی خودکشی,63 سال عمر کےعالمگیر ترین دسمبر میں شادی کر نے کا ارادہ رکھتے تھے ، پاکستان سپر لیگ (پی ایس ایل) کی معروف فرنچائز کے مالک معروف سیاست دان جہانگیر ترین کے بھائی عالمگیر ترین نے خودکشی کرلی۔ پاکستان سپر لیگ (پی ایس ایل) میں 2021 کی ٹرافی اپنے نام کرنیوالی ،ملتان سلطانز ٹیم کے اونز عالمگیر ترین نے خودکشی کرلی۔لاہور پولیس کے مطابق عالمگیر ترین نے پستول سے اپنے سر میں گولی مار لی۔ عالمگیر ترین نے خودکشی سے قبل ایک تحریر بھی چھوڑی ہے جس میں انہوں نے اپنی بیماری کا ذکر کیا ہے۔دوسری جانب ان کے قریبی دوستوں کا کہنا ہے انہیں عالمگیر ترین کی بیماری کا علم نہیں، وہ غیر شادی شدہ تھے، انکے دوستوں کے مطابق عالمگیر ترین کی عمر 63 سال تھی جبکہ انکی منگنی ہوئی تھی اور وہ دسمبر میں شادی کرنے جا رہے تھے ۔