لاس اینجلس اولمپکس 2028 میں ٹی ٹوئنٹی کرکٹ کی تیاریاں تیز

لاہور(شوریٰ نیوز)لاس اینجلس اولمپکس 2028 میں ٹی ٹوئنٹی کرکٹ کی تیاریاں تیز،جنوبی افریقہ کے شہر ڈربن میں آئی سی سی کی سالانہ میٹنگز میں معاملہ زیر غور،لاس اینجلس اولمپکس 2028میں ٹی ٹوئنٹی کرکٹ کو شامل کرنے کی تیاریاں تیز ہو گئیں، حتمی فیصلہ ایک 2 ماہ میں ہوجائے گا۔جنوبی افریقہ کے شہر ڈربن میں آئی سی سی کی سالانہ میٹنگز کے دوران یہ معاملہ بھی زیر غور آیا، چیف ایگزیکٹیو جیف ایلر ڈائس کا کہنا ہے کہ اولمپکس کمیٹی کرکٹ کے کسی ایسے فارمیٹ کو گیمز کا حصہ بنانا چاہتی ہے جس کی ورلڈ چیمپئن شپ کا ریکارڈ ہو، ظاہر ہے کہ ٹی ٹوئنٹی کرکٹ کا ایونٹ ہی موزوں ترین ہوگا۔لاس اینجلس اولمپکس میں کرکٹ شامل ہوگا یا نہیں؟ اہم اجلاس طلب، امریکا میں میجر لیگ اس کھیل کی مقبولیت میں اضافے کیلیے خوش آئند ہے، یہ ایونٹ اور اس کے بعد ٹی ٹوئنٹی ورلڈکپ2024 کی میزبانی سے گیمز کیلیے ایک اچھا پلیٹ فارم بھی میسر آجائے گا،انھوں نے کہا کہ ہم ہر فارمیٹ میں کھیل کے فروغ کیلیے کسی بھی ملک کی جانب سے ہونے والی کوششوں کی قدر کرتے ہیں۔