کوئٹہ(شوریٰ نیوز)بلوچستان میں بارشیں، 16 افراد جاں بحق، 1300 مکانات تباہ،لورالائی میں3 ،پنجگور ، ژوب اور نصیر آباد میں 2 ،2 افراد جاں بحق ہوئے،بلوچستان میں پچھلے ایک ماہ کے دوران مون سون بارشوں سے ہونے والے نقصانات کے حوالے سے محکمہ پی ڈی ایم اے کی رپورٹ کے مطابق لورالائی میں3 ،پنجگور ، ژوب اور نصیر آباد میں 2 ،2 افراد ہلاک ہوئے جب کہ آواران، قلعہ سیف اللہ، خضدار، ڈیرہ بگٹی، پشین،کیچ اور جھل مگسی میں بارشوں کے باعث ایک ایک ہلاکت ہوئی۔ جاں بحق ہونے والوں میں 8 مرد، 2 خواتین اور 6 بچے شامل ہیں جب کہ بارشوں سے صوبے میں 24افراد زخمی بھی ہوئے۔ بارشوں سے صوبے میں 1330مکانات مکمل اور579جزوی طور پر تباہ ہوئے، 628 مویشی ہلاک ہوئے اور 486ایکٹر فصلیں متاثر ہوئیں۔صوبے میں 24 کلو میٹر روڈ بہہ گئے جب کہ 320سولر پلیٹس کو نقصان پہنچا اور سب سے زیادہ 1007مکانات خاران میں سیلابی ریلے کی نذر ہوئے ۔