بھارت،نچلی ذات کے ہندوؤں کیخلاف نفرت پر مبنی جرائم میں اضافہ

نئی دہلی(شوریٰ نیوز) بھارت کی انتہا پسند مودی سرکار میں نچلی ذات کے ہندوؤں کے خلاف نفرت پر مبنی جرائم میں تیزی سے اضافہ ہوگیا۔نیشنل کرائم ریکارڈ بیورو کی سالانہ رپورٹ کے مطابق 2021 میں دلت ہندوؤں کے خلاف 60 ہزار سے زائد جرائم رپورٹ ہوئے جبکہ گزشتہ 5 برسوں میں نچلی ذاتوں کے ہندوؤں کے خلاف ڈھائی لاکھ سے زائد نفرت انگیز جرائم سامنے آئے۔رپورٹ کے مطابق بی جے پی کی حکمرانی والی ریاست اتر پردیش 13 ہزار جرائم کے ساتھ سر فہرست ہے جہاں دلتوں کے خلاف اوسطاً روزانہ ہر 10 منٹ میں تشدد کا واقعہ پیش آتا ہے۔ تقریباً 90 فیصد غریب اور 95 فیصد ان پڑھ ہندو نچلی ذات کے ہندو ہیں۔