اسلام آباد ( شوریٰ نیوز)کنگ سلمان ہیومینٹیرین ایڈ اینڈ ریلیف سینٹرنے پاکستان میں سال 2023-24 کے لیے فوڈ سیکیورٹی پروجیکٹ کا پہلا مرحلہ مکمل کرلیا۔ نیشنل ڈیزاسٹر مینجمنٹ اتھارٹی (NDMA) کے تعاون سے کامیابی سے مکمل کرلیا۔اس پراجیکٹ کے تحت ادارے نے پاکستان کے تمام صوبوں کے 12 اضلاع (جعفر آباد، اوستہ محمد، صحبت پور، راجگال، کرک، بنوں، اپر سوات، راجن پور ، ڈی جی خان، لاڑکانہ ،عمرکوٹ)میں مقیم سیلاب سے متاثرہ اور مستحق افراد میں مجموعی طور پر 26,400 فوڈ پیکجز تقسیم کیے ہیں جن کا وزن (2,508) ٹن بنتا ہے۔اس اقدام کے پہلے مرحلے سے پورے ملک میں 184,800 افراد مستفید ہوئے۔ ہرفوڈ پیکج، جس کا وزن 95 کلوگرام ہے جس میں 80 کلو آٹا، 5 لیٹر کوکنگ آئل، 5 کلوچینی، اور 5 کلو دال چنا شامل ہیں۔