انقرہ ( شوریٰ نیوز) سپیکرآزاد کشمیر اسمبلی چودھری لطیف اکبر کی وفد کے ہمراہ ترکیہ کے سیاسی رہنمائوں و اہم شخصیات سے ملاقاتیںنہایت اہمیت کی حامل رہیں ، کشمیری وفد نے ترکیہ کے سیاستدانوں اور قانون سازوں کو ہندوستانی جارحیت سے آگاہ کیا۔ کشمیری وفد کاکہناتھا کہ ہندوستان کو ہر صورت کشمیر کا حق خودارادیت تسلیم کرنا ہوگا، کشمیر پر اقوام متحدہ کی قرارددیں 1949سے عملدرآمد کی منتظر ہیں۔وفد نے کہا کہ مودی حکومت نے 2019ء کو مقبوضہ علاقے کی خصوصی حیثیت کو ختم کرکے ظلم و ستم کا نیا دور شروع کیا کشمیر ی وفد نے مقبوضہ کشمیر میں نوجواں کی ٹارگٹ کلنگ اور تعلیمی اداروں کی دانستہ تباہی کی نشان دہی کی مودی کی زیر قیادت بی جے پی کی حکومت نے 2019 میں آرٹیکل 370 اور 35-اے کو منسوخ کیا تھا۔ترکیہ کی جانب سے کشمیری وفد کو مقبوضہ کشمیر میں جاری آزادی کی تحریک کی مکمل حمایت کا یقین دلایا گیاوفد نے ترکیہ کی رفاہ پارٹی کے رکن ڈوگن بیکن سے بھی ملاقات کی ترکیہ کی قومی اسمبلی کے رکن اور کشمیری تحریک آزادی کے ہمنوا برہان کیاترک نے بھی وفد سے ملاقات کی۔ وفد کی ترکیہ کی سعادت پارٹی اور قومی اسمبلی کے رکن مہمت کرامانا ،سعادت پارٹی کے وائس پریذیڈنٹ مصطفے کیاترک کا وفد سے ملنا ایک اہم سنگ میل کی حیثیت رکھتا ہے جموں و کشمیر کے دونوں اطراف کی قیادت کا دورہ ترکیہ انتہائی کامیاب رہا وفد نے مسئلہ کشمیر پر او آئی سی کے کردار کو مزید موثر بنانے کی ضرورت پر زور دیا۔