امریکی محکمہ خارجہ نے کہا کہ دہشتگردی کیخلاف پاکستان کی کوششوں کی حمایت کرتے ہیں ،پاکستان میں آزادانہ اور شفاف انتخابات چاہتے ہیں،عبوری حکومت کے ساتھ کام کرنے کو تیار ہیں۔
ترجمان امریکی محکمہ خارجہ ویدانت پٹیل نے میڈیا بریفنگ میں کہا کہ پاکستان میں عبوری حکومت کے قیام اور سینٹر انوارالحق کے بطور نگراں وزیراعظم کے ذمہ داریاں سنبھالنے سے آگاہ ہیں۔
ترجمان کے مطابق پاکستان کے ساتھ شفاف اور آزادانہ انتخابات کے انعقاد، معاشی استحکام ، سیکورٹی، جمہوریت کے احترام اور قانون کی حکمرانی کیلئے تعاون کرتے رہیں گے۔دہشت گرد گروپوں سے نمٹنےکیلئے پاکستان کے ساتھ مل کر کام کرنے کو تیار ہیں۔