لیسٹر کی عدالت نے 2 نوجوانوں کے منصوبہ بندی کے تحت قتل کے جرم میں ٹک ٹاکر مہک بخاری اور ان کی والدہ عنصرین بخاری سمیت چار افراد کو عمر قید جبکہ دیگر 3 افراد کو غیر ارادی قتل کے جرم میں سزا سنا دی گئی۔
مہک بخاری کو کم سے کم 31 برس اور 8 ماہ قید اور ان کی والدہ عنصرین بخاری کو 26 برس اور 9 ماہ ، دو مجرمان کو قتل کے جرم میں عمر قید کی سزا سنائی گئی ہے ان میں ریحان کاروان اور رئیس جمال شامل ہیں۔
ریحان کاروان کو کم سے کم 26 برس قید کی سزا سنائی گئی ہے۔ غیر ارادی قتل کے جرم میں جن تین افراد کو سزا سنائی گئی ہے ان میں امیر جمال، نتاشہ اختر اور صناف گل مصطفیٰ شامل ہیں۔
نتاشہ اختر کو 11 برس قید، امیر جمال کو 14 برس آٹھ ماہ جبکہ صناف گل مصطفیٰ کو 14 برس نو ماہ قید کی سزا سنائی گئی ہے۔
کیس کی کارروائی کے آغاز پر وکیلِ استغاثہ کالنگ وڈ تھامسن نے قتل کیے جانے والے 21 سالہ ثاقب حسین کے اہلخانہ کے بیانات پڑھ کر سنائے جس کے بعد دوسرے مقتول ہاشم اعجاز الدین کے اہلخانہ کی جانب سے بیانات پیش کیے گئے۔