محکمہ صحت سندھ نے بھارت میں پھیلنے والے خطرناک وائرس نپاہ کے سلسلے میں سرکاری اسپتالوں کے سربراہان کو بھی ایڈوائزری جاری کردی ہے۔
سندھ سمیت پاکستان بھر میں تاحال کوئی کیس سامنے نہیں آیا، ڈائریکٹرجنرل ہیلتھ سندھ نے تمام اسپتالوں کے ایم ایس ، ڈائریکٹرز، اور محکمہ لائیو اسٹاک کو الرٹ رہنے کی ہدایت کردی ہے۔
ایڈوائزری کے مطابق نپاہ وائرس جانوروں سے انسانوں اور انسانوں سے انسانوں میں تیزی سے پھیلتا ہے، وائرس کی ابتدائی علامات میں بخار،سر میں درد ،جسم میں درد اور کوما سمیت دیگر علامات شامل ہیں۔