سماعت میں درخواست گزار کے وکیل نے عدالت کو بتایا کہ سپریم کورٹ نے پبلک پارکس اورپلے گراؤنڈز میں داخلہ فیس ختم کرنے کا حکم دیا تھا جس پر عدالت نے کے ایم سی، ڈی ایم سیز اور دیگر اداروں کے تحت چلنے والے پارکس اورپلے گراؤنڈز کی تفصیلات طلب کرلیں۔
دوران سماعت قائم مقام چیف جسٹس عرفان سعادت نے کہا کہ شہری حکومت کے اداروں نے سب کو گھن چکر بنا رکھا ہے، ہم پبلک پارکس اور پلے گراؤنڈز میں کمرشل کام نہیں ہونے دیں گے۔
عدالت نے کہا کہ پبلک پارکس اگر کسی کو لیز پر دیے ہیں تو اس کی بھی فہرست پیش کی جائے،ایم سی کے وکیل نے عدالت کو بتایا کہ کے ایم سی نو پرافٹ نو لاس پر کام کررہا ہے، ہم نے پارکس میں داخلہ فیس معطل کردی ہے۔