حماس کے غیر متوقع اور ہلاکت خیز حملے کے دو روز بعد بھی اسرائیلی سیکیورٹی فورسز کے اوسان بحال نہیں ہوئے ہیں اور اس خوف و دہشت میں وہ اپنے شہریوں کو حماس کا حملہ آور سمجھ کر نشانہ بنا رہے ہیں۔
اسرائیلی پولیس نے اشکلون میں اپنے ہی شہری کو حملہ آور سمجھ کر گولی مار کر ہلاک کر دیا۔ لاش سے نہ تو کوئی اسلحہ برآمد ہوا اور نہ کوئی ایسے شواہد ملے کہ وہ حملہ آور تھا۔
لاش کی شناخت ہوئی تو پتا چلا کہ اسرائیلی پولیس کی فائرنگ سے ہلاک ہونے والا شخص اسرائیلی شہری ہی تھا، اشکلون وہی شہر ہے جہاں حماس کے جنگجو پیراگلائیڈرز اور سمندری راستوں سے پہنچے تھے اور اسرائیلی فوج پر حملہ کیا تھا۔