حافظ طاہر اشرفی نے لاہور میں یکجہتی فلسطین سیمینار سے خطاب کرتے ہوئے کہا کہ ہماری وزارت خارجہ کو ماضی کی طرح اپنا بھرپور کردار ادا کرنا چاہیے، پاکستان کی جو حیثیت ہے اس کے مطابق ہمیں اپنا کردار ادا کرنا چاہیے۔
حافظ طاہر اشرفی کا کہنا تھا کہ ہم امت کو متحد کرنے کی ہرکوشش کو قبول کریں گے، اسرائیل اپنی تاریخ کا سب سے بڑا ظلم کر رہا ہے، وقت آگیا ہے کہ اب فلسطین کا معاملہ حل ہو اور کشمیرکا معاملہ بھی حل ہو۔
مسلمان اسرائیلی مصنوعات استعمال کر کے یہودیوں کو ریونیو نہ دیں ،یہ ہی پیسہ امت مسلمہ کے خلاف استعمال کیا جاتا ہے۔