آئی ایس پی آر کے مطابق سکیورٹی فورسز نے ٹانک کے علاقے کری مچھن خیل میں خفیہ اطلاع پر آپریشن کیا، اس دوران سکیورٹی فورسز اور دہشت گردوں کے درمیان فائرنگ کا تبادلہ ہوا۔
فائرنگ کے تبادلے میں7 دہشت گرد ہلاک ہوئے، آپریشن کے دوران دہشت گردوں کے ٹھکانے بھی تباہ کر دیےگئے۔
مارے گئے دہشت گردوں کے قبضے سے اسلحہ اور گولہ بارود بھی برآمد کرلیا گیا، ہلاک دہشت گرد ٹانک اور گردونواح میں پولیس کی حالیہ ٹارگٹ کلنگ میں ملوث تھے، ہلاک دہشت گرد دہشت گردی کی متعدد کارروائیوں میں سرگرم تھے۔
آئی ایس پی آر کے مطابق علاقے میں دیگر دہشت گردوں کے خاتمے کے لیےکلیئرنس آپریشن جاری ہے، علاقہ مکینوں نے دہشت گردی کے خاتمے میں سکیورٹی فورسز سے بھرپور تعاون کا اظہار کیا ہے۔