لیاقت یونیورسٹی اسپتال حیدرآباد کی انتظامیہ نے اس سلسلے میں محکمہ صحت کو خط دیا جس میں کہا گیا ہےکہ ہمیں اربوں روپے کے روبوٹس نہیں بنیادی مشینری، سامان اوراسپتال کی بہتری چاہئیں۔
اسپتال کے میڈیکل سپرنٹنڈنٹ ڈاکٹر شاہد جونیجو نے کہا کہ ہمیں 2 روبوٹس خریدنے کے لیے 2 ارب روپے سے زائد دیئےگئے، لیاقت یونیورسٹی اسپتال کو سی ٹی اسکین، ایم آرآئی، ایکسرے اورلا تعداد دیگرسامان چاہیے۔
ہمیں اپنے مریضوں کے لیے وینٹی لیٹر، ڈائلیسز مشینیں اور ان کا ساز و سامان چاہیے، یہاں روبوٹس چلانے کے لیے تربیت یافتہ طبی عملہ نہیں ہے۔
ڈاکٹر شاہد جونیجو نے خط میں مزید لکھا کہ روبوٹس سے متعلق نگران وزیرصحت سندھ کے مؤقف کی مکمل تائید کرتےہیں لیکن 50 ہزارروپے میں ہونے والی سرجری 5 لاکھ روپے میں کرانےکی مخالفت کرتے ہیں۔