سول ایوی ایشن ذرائع کے مطابق یورپی سیفٹی ایجنسی ایاسا کی ٹیم 26 نومبر کو کراچی پہنچے گی جو سول ایوی ایشن کے اہم شعبہ جات کا مکمل آڈٹ کرے گی۔
ترجمان سی اے اے کے مطابق ایاسا کی ٹیم سی اے اے کے لائسنسنگ، فلائٹ سیفٹی، فلائٹ اسٹینڈرڈ اور ائیر وردیننس کا بھی اسسمنٹ کرے گی۔
ایاسا کی ٹیم ائیر ٹرانسپورٹ سمیت دیگر اہم شعبوں کا اسسمنٹ کرے گی، سی اے اے کی یورپی سیفٹی ایجنسی ایاسا کی اسسمنٹ سے متعلق تمام تیاریاں مکمل ہیں۔
یورپی سیفٹی ایجنسی پی آئی اے کے ایس ایم ایس، فلائٹ اسٹینڈرڈ کا اسسمنٹ کرےگی، یورپی سیفٹی ایجنسی پی آئی اے کی شعبہ انجینئرنگ سمیت دیگر شعبوں کا بھی اسسمنٹ کرےگی۔
کامیاب اسسمنٹ کے بعد پی آئی اے کی یورپ اوربرطانیہ کیلئے پروازیں بحال ہونے کا امکان ہے،واضح رہے کہ جولائی2020 سے پی آئی اے سمیت تمام پاکستانی ائیرلائنز کی پروازوں پر یورپ اور برطانیہ میں پابندی ہے۔