آفیشل سیکریٹ ایکٹ کی خصوصی عدالت کے جج ابوالحسنات ذوالقرنین نے اڈیالہ جیل میں سائفر کیس کی سماعت کی، عمران خان اور شاہ محمود قریشی نے کمرہ عدالت میں حاضری لگائی۔
ایف آئی اے کے اسپیشل پراسیکیوٹر ذوالفقار عباس نقوی، عمران خان اور شاہ محمود قریشی کی قانونی ٹیم اور دونوں کے اہلخانہ بھی کمرہ عدالت میں موجود تھے۔
ملکی و غیر ملکی میڈیا نمائندگان کی بڑی تعداد بھی کیس کی کوریج کے لیے اڈیالہ جیل کے باہر موجود رہی تاہم میڈیا نمائندگان کو عدالتی حکم کے باوجود اندر جانے کی اجازت نہ ملی۔
خصوصی عدالت کے جج ابو الحسنات ذوالقرنین نے کیس کی سماعت بغیر کارروائی کے 4 دسمبر تک ملتوی کر دی،یاد رہے کہ وزرات قانون نے 29 نومبر کو آفیشل سیکریٹ ایکٹ کی اڈیالہ جیل میں سماعت سے متعلق نوٹیفکیشن جاری کیا تھا۔