وزارت تجارت نے چین سے آزاد تجارتی معاہدے پر نظرثانی کا مطالبہ کیا تھا اور نگران وزیر تجارت گوہراعجاز نے دورہ چین میں یہ مطالبہ پیش کیا۔
ذرائع وزارت تجارت کے مطابق چینی صنعت کاروں کو خصوصی اقتصادی زونز میں سرمایہ کاری کرنے کی دعوت دی ہے، پاک چین آزاد تجارتی معاہدہ دوئم پی ٹی آئی کے دور 2019 میں ہواتھا۔
ذرائع کے مطابق دونوں ممالک نے تجارتی ڈیٹا میں فرق ختم کرنے پر بھی اتفاق کرلیا جبکہ چینی صنعتوں کو پاکستان منتقل کرنے کیلئے ورکنگ گروپ قائم کرنےپربھی اتفاق ہوا ہے۔
ذرائع وزارت تجارت کے مطابق چین نے پاکستان سے نئی ترجیحی فہرست مانگ لی جس کے تحت پاکستان کو مزید رعایت ملنے کا امکان ہے۔