کٹوں کی تقسیم میں اختلافات کے حوالے سے انصاف لائرز فورم کے مرکزی صدر قاضی انور کی مبینہ آڈیو بھی سامنے آگئی ہے جس میں وہ کہہ رہے ہیں کہ بانی پی ٹی آئی عمران خان نے میری فہرست پر من و عن عمل کرنے کا کہا تھا لیکن عارضی چیئرمین پی ٹی آئی بیرسٹر گوہر 3 دنوں سے میرا فون نہیں اٹھا رہے۔
قاضی انور آڈیو میں کہہ رہے ہیں سنا ہے وکلاء کو کوئی ٹکٹ دینے کو تیار نہیں، کل ٹکٹوں کا اعلان ہو گا، ہمارے ساتھ اگر انصاف نہ ہوا تو آئندہ کا لائحہ عمل کل طے کریں گے۔
انصاف لائرز فورم کے مرکزی صدر قاضی انور نے بتایا کہ بانی پی ٹی آئی نے مجھے خود کہا تھا کہ ٹکٹ وکلاء کو دیئے جائیں گے لیکن پارٹی ٹکٹ سابق اراکین اسمبلی کو دینا چاہ رہی ہے۔
9 مئی واقعات کے بعد سب سے زیادہ قربانیاں انصاف لائرز فورم کی ہیں، ٹکٹ آئی ایل ایف ممبرز کو ہی ملنے چاہئیں، ان کے حق کیلئے آواز اٹھاؤں گا، اگر مطالبات نہ مانے گئے تو مجھے صدر رہنے کا کوئی اختیار نہیں ہے۔