قومی اسمبلی کی نشست این اے 64 سے ق لیگ کے امیدوار چوہدری سالک حسین نے کہا ہے کہ اقتدارمیں آکر خاندان کے کچھ افراد نے اپنے مفادات کو ترجیح دی جس سے کرپشن کے اسکینڈل بنے۔
گجرات میں انتخابی دفتر کی افتتاحی تقریب سے خطاب کرتے ہوئے انہوں نے کہا کہ 10 سال سے جو ہوتا رہا اُس سے خاندان کی صرف بدنامی ہوئی، اب ایسا نہیں ہوگا، پیسہ نہیں ظہور الہٰی طرز کی سیاست کرکے عزت کمائیں گے۔
آج کل عوام ایک مقبول لیڈر کے منشور کے ساتھ ہیں، اس کی وجہ یہ ہے کہ صرف اس نے عوام کو امید لگائی تھی کہ ملک کو بحرانوں سے وہی نکال سکتا ہے، دوسری پارٹیوں نے عوام کو مایوس کیا ہے۔
الیکشن میں پرانے اور مسترد شدہ لوگ نئے نعروں کے ساتھ میدان میں آئے ہیں، عوام کو دیکھنا ہوگا کہ اُن کی بہتر نمائندگی کا حق کون ادا کرسکتا ہے۔