پاکستان پیپلز پارٹی کے چیئرمین بلاول بھٹو زرداری کو وزیراعظم بنوانے کے لیے ان کی آصفہ بھٹو انتخابی مہم پر نکل پڑيں۔
آصفہ بھٹو نے کراچی میں مختلف علاقوں کے دورے کیے جہاں انہوں نے دھواں دھار خطابات کیے، بہن نے بھائی کے نعرے بھی لگوائے۔
ابراہیم حیدری میں کارکنوں سے خطاب میں آصفہ بھٹو نے کہا اگر آپ چاہتے ہیں کہ 300 یونٹ بجلی مفت ملے اور تنخواہ دگنی ہو تو پیپلز پارٹی کو ووٹ دیں، بلاول کو کامیاب کرائیں۔
اگر آپ چاہتے ہیں بچوں کو اچھی تعلیم ملے تو تیر پر مہر لگائیں، پاکستان پیپلز پارٹی واحد جماعت ہے جوغریب کی تکلیف کو سمجھتی ہے۔