نگران وزیراعظم انوارالحق کاکڑ کا کہنا ہے کہ پاکستان 4 دہائیوں سے افغان مہاجرین کی میزبانی کررہا ہے لیکن غیرقانونی مقیم غیرملکی پاکستان کی سکیورٹی کیلئے خطرہ ہیں۔
پاکستان میں جو بھی آئے گا وہ قانونی دستاویزات کے ساتھ داخل ہوگا، الیکشن سے پہلے قیاس آرائیاں ہوتی ہیں مگر پاکستان میں عام انتخابات کی تیاریاں جاری ہیں۔
عوام کو ووٹ ڈالنے کا موقع فراہم کرنا ہماری ذمے داری ہے، الیکشن کمیشن آئندہ انتخابات کیلئے آئینی تقاضے پورے کرچکا ہے اور انتخابات کے دوران عالمی مبصرین بھی پاکستان آئیں گے۔
معیشت کی بحالی ہماری اولین ترجیح ہے، آئی ایم ایف کی شرائط پوری کررہے ہیں، اقتصادی اعشاریوں کو صحیح سمت میں گامزن کرنے کیلئے معاشی اصلاحات ضروری ہیں۔
کستان ہر قسم کی دہشتگردی کی مذمت کرتا ہے، خطے کی صورتحال میں پاکستان کابہت اہم کردار ہے، چین کے ساتھ ہمارے اسٹریٹیجک تعلقات وقت کے ساتھ مضبوط ہورہے ہیں۔