مسلم لیگ (ن) کے صدر شہباز شریف نے کہا ہےکہ (ن) لیگ حکومت میں آئی تو بیروزگاری، مہنگائی اور بجلی کی قیمتیں ہنگامی بنیادوں پر کم کرے گی،پنجاب کے اگلے وزیراعلیٰ کا فیصلہ نواز شریف کریں گے۔
ثاقب نثار جیسے مہرے کے ذریعے نواز شریف کا تختہ الٹا گیا، ہم کبھی لاڈلے نہیں رہے، پاکستان کو دیوالیہ ہونے سے بچانے اور سفارتی تعلقات کی بحالی کا کریڈٹ 13 جماعتوں کو جاتا ہے۔
پی ٹی آئی نے معاشرے میں زہر گھولا اور معاشرہ تقسیم در تقسیم کیا گیا، اس نفرت کو ایک دو سال میں ختم کرنا بہت بڑا چیلنج ہے۔
چارٹر آف اکانومی بنا کر مل جل کر چلنا ہو گا، پنجاب کا اگلا وزیراعلیٰ کون ہو گا یہ فیصلہ نواز شریف کریں گے، پارٹی منشور سے متعلق نوازشریف خود قوم کو آگاہ کریں گے، نوجوان نسل پر اربوں کھربوں روپے خرچ کرنے ہیں یہ پاکستان کا مستقبل ہیں۔
نواز شریف کی پختہ سوچ ہے کہ مشاورت سے پاکستان کو آگے لے کر جانا ہے، کیا بلا میں نے یا نوازشریف نےلیا ہے ؟ عدالت کی کارروائی براہ راست نشر ہوئی تھی وہاں ثبوت کیوں نہیں دیئے۔