بانی پاکستان تحریک انصاف (پی ٹی آئی) عمران خان کی بہن علیمہ خان نے اڈیالہ جیل کے باہر میڈیا سےگفتگو میں کہا کہ کورٹ روم میں مجھے سپرنٹنڈنٹ جیل نے تم کہ کر مخاطب کیا۔
علیمہ خان کے مطابق عمران خان اچھے انداز میں بات کرتے رہے، جب ان کے ساتھ جیل میں بدتمیزی کرتے ہیں تو عام انسانوں کے ساتھ کیا ہوتا ہوگا۔
علیمہ خان کا کہنا تھا کہ سپریم کورٹ میں 3 ہفتے سے درخواست لگی ہے، چیف جسٹس سے استدعا ہےکہ آپ ہماری پٹیشن سن لیں تاکہ بانی پی ٹی آئی الیکشن لڑسکیں۔
اپیل کرتے ہیں کہ بانی پی ٹی آئی کے خلاف سزا معطلی کی درخواست سن لیں، چاہتے ہیں یہ اپیل سنی جائے اور پورا ملک اس سماعت کو دیکھے۔