جینیوا میں منعقد ہونے والے اجلاس میں کینیا کی ملی اودھیمبو کو انٹرپارلیمانی یونین کی کمیٹی آف ہیومن رائٹس فار پارلیمنٹرینز کا صدر جبکہ مشاہد حسین سید کو نائب صدر منتخب کیا گیا۔
مشاہد حسین سید متفقہ طور پر نائب صدر منتخب ہوئے، مشاہد حسین پہلے پاکستانی پارلیمنٹیرین ہیں جنہیں آئی پی یو کی باڈی کے اہم عہدے کیلئے منتخب کیا گیا۔
مشاہد حسین سید سی ایچ آر پی میں ایشیا کی نمائندگی کرتے ہیں، انہیں دو سال قبل سی ایچ آر پی کا رکن منتخب کیا گیا تھا۔
سینیٹر مشاہد حسین پاکستان پارلیمانی فورم آن فلسطین،کشمیر اور روہنگیا کے کنوینر بھی ہیں اور استنبول میں قائم القدس پارلیمنٹ کے ایگزیکٹو بورڈ میں بھی خدمات انجام دے رہے ہیں۔