جماعت اسلامی کے تحت کراچی‘ جلسے میں رہنماؤں نے کہاکہ شہر اپنے اصل کی طرف لوٹ رہا ہے، عوام نے 8 فروری سے قبل اپنا ریفرنڈم دے دیا ہے۔
امیر جماعت اسلامی پاکستان سراج الحق نے کہا شہزادہ بلاول کہتے ہیں میرے والد صدر، والدہ اور نانا وزیراعظم تھے مجھے بھی وزیراعظم بنایا جائے، نواز شریف ووٹ کوعزت دو کے بیانیہ سے دستبردار ہوگئے ہیں۔
تعلیم صنعت زرعی ترقی کاہوم ورک کررکھا ہے۔ اقتدار میں آکر ایک ایک پائی کاحساب لیں گے، 8 فروری کو ڈاکو راج کا خاتمہ ہوگا، جیسے گزشتہ برس واپس نہیں آسکتے ایسے ہی پیپلزپارٹی اور ایم کیو ایم کا دور نہیں آئے گا۔
ملکی مسائل کی ذمہ دار وہی جماعتیں ہیں جنہوں نے 76 سال حکومت کی ہے، تینوں پارٹیوں نے وہی پرانا منشور پیش کیا ہے پیپلز پارٹی اور مسلم لیگ ن اقتدار کی ہوس میں مبتلا ہیں۔
انہوں نے بجلی پیدا کرنے والی کمپنیوں سے مہنگی بجلی کے معاہدے کیے، ہم اقتدار میں آ کر یہ معاہدے ختم کر دیں گے، لینڈ مافیا، ڈرگ، آٹا، شوگر مافیا کا احتساب نہ عدالت کر سکتی ہے نہ نیب، ان ظالموں سے حساب کتاب جماعت اسلامی کرے گی۔
حافظ نعیم الرحمان نے کہا کہ کراچی کا مینڈیٹ بیچا گیا، مافیا بچوں کو پڑھنے نہیں دیتا، متحدہ نے تعلیم تہذیب اور میرٹ چھین لیا، پراجیکٹ بلاول کریش ہو چکا ہے جماعت اسلامی کا منشور امید اور مستقبل کا منشور ہے۔
جلسے سے خطاب میں نائب امیر جماعت اسلامی معراج الہدی اور دیگر رہنماؤں نے کہا کہ ترازو پر مہر لگا کر وڈیرہ شاہی کا خاتمہ کریں۔