سابق صدر اور شریک چیئرمین پیپلز پارٹی آصف علی زرداری نے کہوٹہ میں جلسے سے خطاب کرتے ہوئے کہا ہے کہ پیپلز پارٹی کو پتا ہے کہ ملک کو بُرے حالات سے کیسے نکالنا ہے۔
پہلے بھی ملک کو بُرے حالات سے نکالا تھا ، آگے بھی نکالیں گے،پیپلز پارٹی کہوٹہ میں میڈیکل کالج اور یونیورسٹی بنائے گی ،پاکستان کو دوبارہ بنائیں گے ، ہر چیز وہ ہوگی جو عوام کی خواہش ہوگی۔
اسلام آباد کو تو یہ نہیں پتا کہ کہوٹہ کہاں ہے ، ہم عوام کے مسائل حل کریں گے ،گیس سمیت تمام سہولتیں فراہم کریں گے، ملک برے حالات میں تھا۔
ہم برےحالات سے نکالنا جانتے ہیں، پہلے بھی ملک کو برے حالات سے نکالا ہے، پاکستان کو دوبارہ بنائیں گے، میں آپ کے پاس آتا جاتا رہوں گا، کہوٹہ میں ٹھنڈ ہے، راستہ خراب ہے، پہلا اعلان کرتاہوں کہ یہاں سڑک بناؤں گا۔