امیر جماعت اسلامی سراج الحق نے گوجرانوالا میں جلسے سے خطاب کرتے ہوئے کہا کہ آج یہ پھر نعرہ لگا رہے ہیں کہ پاکستان کو نواز دو ، اگر ان لوگوں کو 100 سال بھی حکمرانی ملے پھر بھی پاکستان ترقی نہیں کرسکتا۔
(ن) لیگ اور پیپلزپارٹی نے اس ملک کو تباہ کیا، قوم نے فیصلہ دینا ہے کہ کیا پاکستان کلین ہونا چاہیے؟ ملک سے انگریز کا نظام نکالنا اور قرآن کا نظام چاہتے ہیں۔
ہر نوجوان کو روزگار ملے گا، ملک کی معیشت بہتر ہوگی اور ہم کشمیر کو ہر صورت میں آزاد کروائیں گے، جماعت اسلامی اقتدار میں آکر ڈاکٹر عافیہ کو واپس لائے گی، فلسطینی ہمارے انتظار میں ہیں۔