الیکشن کمیشن نے ملک بھر میں پریزائیڈنگ افسران کو عام انتخابات کے روز فارم 45 سے متعلق ہدایات پر سختی سے عمل درآمد یقینی بنانے کا حکم جاری کردیا۔
چیف الیکشن کمشنر سکندر سلطان راجا کا کہنا تھا کہ پریزائیڈنگ افسر فارم 45 پر خود اور پولنگ ایجنٹوں سے دستخط کرائیں،پولنگ اسٹیشن کے باہر آویزاں کریں گے۔
چیف الیکشن کمشنر سکندر سلطان راجہ نے فارم 45 سے متعلق اپنے پیغام میں کہا کہ فارم 45 سے متعلق ہدایات پر عمل نہ کرنے والے پریزائیڈنگ افسران کے خلاف سخت کارروائی ہوگی۔
واضح رہے کہ پولنگ اسٹیشن پرتعینات پریزائیڈنگ افسر ووٹوں کی گنتی کے بعد فارم 45 پر نتیجہ درج کرتا ہے۔