امریکا میں پاکستان کے سفیر مسعود خان نے کہا ہےکہ اسٹریٹیجک توازن کو برقرار رکھنے، انسداد دہشتگردی کے لیے پاکستان کو فوجی ساز و سامان اورفنانسنگ کی بحالی کیلئے امریکی فیصلوں کے منتظر ہیں۔
واشنگٹن میں مقامی تھک ٹینک سے خطاب میں پاکستان کے سفیر کا کہنا تھا کہ امریکا جنوبی ایشیا کی سلامتی کے حوالے سے بھی توجہ مرکوز کرے۔
پاکستان کے سفیر نے طالبان، داعش اور القاعدہ جیسے گروپوں سے لاحق خطرے کو ختم کرنے کے لیے مربوط حکمت عملی کی ضرورت پر زور دیا ۔
مسعود خان کا کہنا تھاکہ امریکا، چین تعاون کے فروغ میں پاکستان اہم کردار ادا کر سکتا ہے تاہم اسٹریٹیجک توازن کو برقرار رکھنے، انسداد دہشتگردی کے لیے پاکستان کو فوجی ساز و سامان اورفنانسنگ کی بحالی کیلئے امریکی فیصلوں کے منتظر ہیں۔
دوران خطاب پاکستانی سفیر مسعود خان نےپاکستان میں سرمایہ کاری کے فروغ پر بھی زور دیا۔