ترجمان پنجاب پولیس کے مطابق ملزم عبدالغفار نے 2022 میں ڈیرہ غازی خان میں دوشہریوں کوقتل کیا تھا،انہوں نے بتایاکہ ملزم فیصل نے 2019 میں منڈی بہاؤالدین میں ایک شہری کوقتل کیا تھا اورفرار ہوگیا تھا۔
پولیس دونوں ملزمان کو لےکر آج شام دبئی سے لاہورپہنچے گی، رواں سال بیرون ملک سے گرفتار ملزمان کی تعداد 28 ہوگئی۔
اس حوالے سے آئی جی پنجاب ڈاکٹر عثمان انور کا کہنا تھاکہ ایف آئی اے، انٹرپول اور دیگر اداروں کے ساتھ قریبی رابطہ یقینی بناتے ہوئے زیادہ سے زیادہ اشتہاریوں کو پابند سلاسل کیا جائے۔