انسپکٹر جنرل (آئی جی) سندھ پولیس غلام نبی میمن نے گھوٹکی میں پریس کانفرنس کرتے ہوئے کہا ہے کہ کچے میں سوشل میڈیا کو بند نہیں کرسکتے، سائبر کرائم کو ریفرنس بھیجے ہیں۔
کچے میں اسلحہ کون پہنچا رہا ہے اس بارے میں پتا لگانے کے لیے سی ٹی ڈی کو ٹاسک دیا ہے، وہ اس پرکام کررہے ہیں، ہم خفیہ اطلاع پر آپریشن کریں گے۔
کچے میں آپریشن کا یہی طریقہ ہے، کچے میں صرف بدمعاش نہیں، شریف لوگ بھی رہتے ہیں اس لیے انٹیلی جنس آپریشن کرتے ہیں، کچے کا علاقہ بہت چھوٹا ہے لیکن اندر جانے کے بعد حقائق کچھ اور ہوتے ہیں۔
قبائلی دہشت گردی کی روک تھام پر زیادہ توجہ دینی پڑے گی، پولیس کو جدید اسلحہ اورگاڑیاں دے رہے ہیں، قبائلی جھگڑوں میں قتل ہونے والے ملزمان کو گرفتار کیا جائے گا۔
شکارپور اور کشمور ایسے ڈسٹرکٹ ہیں جہاں خصوصی طور پر امن چاہتے ہیں، سکھر رینج میں کوئی مغوی ڈاکوؤں کے قبضے میں نہیں۔