رپورٹ کے مطابق ٹک ٹاک کی جانب سے اے آئی ڈیجیٹل اواتار کے فیچر پر کام کیا جا رہا ہے،یہ ڈیجیٹل اواتار اس سوشل میڈیا پلیٹ فارم پر مصنوعات کی پروموشن اور انہیں فروخت کرنے میں مدد فراہم کریں گے۔
اے آئی اواتار اسکرپٹ پڑھ سکیں گے تاکہ مصنوعات کے بارے میں صارفین کو علم ہو سکےاس فیچر کا بنیادی مقصد ٹک ٹاک میں ای کامرس کو فروغ دینا ہے اور کمپنی کا ماننا ہے کہ اے آئی اواتار انسانی کریٹیرز کا بھی مقابلہ کر سکیں گے۔
ٹک ٹاک کی جانب سے اس حوالے سے ابھی کوئی باضابطہ اعلان نہیں کیا گیا ہے،اس فیچر کے تحت صارفین 3 سے 10 تصاویر اپ لوڈ کرکے 5 آرٹ اسٹائلز کو منتخب کر سکیں گے۔
عام صارفین کے لیے اس طرح کے ایک اور فیچر کو متعارف کرانے کے لیے بھی کافی عرصے سے کام کیا جا رہا ہے اور اپریل 2023 میں ایک رپورٹ میں بتایا گیا تھا کہ ٹک ٹاک میں اے آئی ٹیکنالوجی پر مبنی اواتارز کا فیچر متعارف کرایا جا رہا ہے۔
اس کے بعد ایپ کی جانب سے 30 مختلف اواتار چند منٹوں میں تیار کیے جائیں گے جن میں سے کسی ایک یا سب کو ڈاؤن لوڈ کرکے پروفائل فوٹو یا اسٹوریز میں استعمال کرنا ممکن ہوگا۔
ٹک ٹاک کی جانب سے روزانہ صرف ایک بار اس فیچر کو استعمال کرنے کی اجازت دی جائے گی، ایسا ممکنہ طور پر سرورز کو اوور لوڈنگ سے بچانے کے لیے کیا جائے گا۔