پاکستان تحریک انصاف کے سابق رہنما اور حال ہی میں آزاد حیثیت میں سینیٹر منتخب ہونے والے فیصل واوڈا نے کہا کہ پی ٹی آئی کے ساتھ نہ کوئی ڈیل ہو رہی ہے نہ ڈھیل ہو رہی ہے۔
پی ٹی آئی سے کوئی ڈیل ہوگی نہ انہیں ڈھیل دی جائے گی ، 9 مئی کے واقعات میں جو بھی ملوث ہوا، اس کا احتساب ہوگا ، اس کے لیے قانون سازی بھی ہوگی۔
علی امین گنڈاپور کا دل و دماغ سب دائیں بائیں ہے ، پی ٹی آئی چاہتی ہے کہ بانی پی ٹی آئی جیل میں رہیں اور ان کی مقبولیت کے مزے پی ٹی آئی لوٹتی رہے ۔
پی ٹی آئی والوں کو واٹس ایپ آتا تھا کہ کس کو کیا گالی دینی ہے ، پی ٹی آئی کے رہنما یہ سارے واٹس ایپ میسج بھی جمع کرا چکے ہیں۔
اگر معلوم ہوجائے کہ علی امین گنڈاپور کے کل کے بیان کے بعد انہوں نے کہاں کہاں رابطہ کیا اور کہاں کہاں معافی تلافی ہوئی تو دودھ کا دودھ اور پانی کا پانی ہوجائے گا۔
مجھے بغیر ٹرائل کے ڈس کوالیفائی کیا گیا، میں آزاد امیدوار ہوں ، کسی پارٹی کا حصہ ہوں نہ بن رہاہو، میرے فارم 47 میں چھولے نہیں کھاسکتے۔