سابق وزیراعظم آزادکشمیر سردار تنویرالیاس پراسلام آباد کے تھانہ مارگلہ میں اپنے ہی شاپنگ مال کے دفتر پر قبضےکی کوشش کا مقدمہ درج کرلیا گیا اور مقدمہ ڈپٹی سکیورٹی انچارج نجی مال کی مدعیت میں درج کیا گیا۔
مقدمے میں سردارتنویرالیاس، محمدعلی، انیل سلطان، رضوان اور دیگر کو نامزد کیا گیا ہے۔
ایف آئی آر کے مطابق تنویر الیاس 20 سے 25 افراد کے ساتھ نجی مال کے دفتر میں تالا توڑ کر داخل ہوئے، تنویر الیاس نے دفتر پر قبضے کی کوشش کی جسے سکیورٹی گارڈز نے ناکام بنادیا۔
تنویرالیاس نے سرداریاسرالیاس خان، سردار ڈاکٹر راشدالیاس کو جان سے مارنے کی دھمکی دی، تنویرالیاس نے ساتھیوں کے ہمراہ دفتر کی سکیورٹی پر مامور سکیورٹی اہلکارپرتشدد کیا اور ڈپٹی سکیورٹی انچارج نجی مال پر فائر بھی کیا جو مس ہوگیا۔