کراچی ائیر پورٹ پر کسٹمز نے کارروائی کرتے ہوئے کروڑوں روپے مالیت کا سونا جنوبی افریقا اسمگل کرنے کی کوشش ناکام بنا دی۔
کراچی ائیر پورٹ سے جنوبی افریقا جانے والی فیملی سے ساڑھے 9 کلو سونا برآمد ہوا جس کی مالیت 17 کروڑ پاکستانی روپے بنتی ہے، برآمد شدہ سونے میں مختلف زیورات اور سکے شامل ہیں۔
جنوبی افریقن پاسپورٹس رکھنے والی فیملی میں 5 خواتین اور ایک مرد شامل ہے، پاکستانی نژاد جنوبی افریقن مسافروں کے سامان کی تلاشی میں ملا، کروڑوں روپے کا سونا لے کر سفر کے حقائق جاننے کیلئے کسٹم حکام نے تمام افراد کو حراست میں لیکر تحقیقات شروع کر دی ہیں۔