الٹی میٹم ختم، زمان پارک جانیوالے راستے بند، پولیس الرٹ

لاہور(شوریٰ نیوز)24 گھنٹے کا الٹی میٹم ختم، زمان پارک کی طر ف جانیوالے راستے بند، پولیس الرٹ،گزشتہ روز نگران وزیر اطلاعات عامر میر نے عمران خان کو 24 گھنٹے کا الٹی میٹم دیا تھا تفصیلات کے مطابق پنجاب حکومت کی جانب سے پی ٹی آئی کو دی جانے والی مہلت ختم ہوچکی ہے جس کے پیش نظر سکیورٹی ادارے الرٹ ہیں۔گزشتہ روز نگران وزیر اطلاعات عامر میر نے عمران خان کو زمان پارک میں موجود افراد کو پولیس کے حوالے کرنے کے لیے 24 گھنٹے کا الٹی میٹم دیتے ہوئے کہا تھا کہ لاہور میں عسکری تنصیبات پر حملہ کرنے والے 30 سے 40 افراد زمان پارک میں عمران خان کی رہائش گاہ میں پناہ لیے ہوئے ہیں اور اگر آئندہ 24 گھنٹے میں انہیں پولیس کے حوالے نہیں کیا گیا تو کارروائی ہوگی۔پنجاب حکومت کی جانب سے دی جانے والی ڈیڈ لائن ختم ہوچکی ہے جس کے پیش نظر پولیس کو الرٹ رکھا گیا ہے اور زمان پارک کی طرف جانے والے تمام راستے بند کردیئے گئے ہیں۔ذرائع کا کہنا ہےکہ پولیس اور سکیورٹی ادارے ڈیڈ لائن ختم ہونے کے بعد حکمت عملی پر غور کررہے ہیں۔زمان پارک جانے والے راستے مکمل بند ہیں اور پولیس کی بھاری نفری زمان پارک کے چاروں اطراف موجود ہے۔آئی جی پنجاب اور سی سی پی او لاہور نے پولیس کو الرٹ رہنےکاحکم دیا ہے، پولیس لائنز قلعہ گجرسنگھ کے قریب کنٹینرپہنچا دیئے گئے ہیں اور علاقہ مکینوں کو شناخت کے بعد داخلے کی اجازت دی جارہی ہے۔