بشار الاسد کی عرب لیگ کانفرنس میں شرکت کیلئے جدہ آمد

کراچی(شوریٰ نیوز) بشار الاسد کی عرب لیگ کانفرنس میں شرکت کیلئے جدہ آمد، شامی صدر،مصرکےصدر، بحرین کے شاہ حمد بن عیسیٰ، فلسطینی صدر محمود عباس بھی جدہ پہنچ گئے،بارہ سال بعد عرب لیگ میں شام کے دوبارہ شامل ہونے پر شامی صدر بشار الاسد عرب لیگ کے بتیسویں اجلاس میں شرکت کرنے سعودی عرب پہنچ گئے۔ شامی صدر بشارالاسد کے جدہ ائیرپورٹ پہنچنے پر سعودی حکام کی جانب سے ان کا استقبال کیا گیا۔ ۔شام کی عرب لیگ میں دوبارہ شمولیت کے بعد سعودی عرب نے شامی صدر کو مدعو کیا تھا۔شام میں ہونے والی خانہ جنگی میں عوام اور مظاہرین سے روا شامی حکومت کے ناروا سلوک کے خلاف 2012 میں شام کو عرب لیگ سے نکال دیا گیا تھا اور بیشتر عرب ممالک نے شام سے تعلقات منقطع کر لیے تھے۔