وزیر اعلیٰ سندھ مراد علی شاہ نے سانحہ 9 مئی کو ایک سال مکمل ہونے پر کراچی میں تقریب سے خطاب کرتے ہوئے کہ9 مئی کے پیچھے قوم کو تقسیم کرنے کی کہانی ہے۔
9 مئی کو پاکستان کو نقصان دینے کی کوشش کی گئی، 9 مئی کا واقعہ انتہائی قابل مذمت اور افسوسناک ہے، 9 مئی کے پیچھے قوم کو تقسیم کرنے کی کہانی ہے مگر جب تک ہم زندہ ہیں اس ملک کو کچھ نہیں ہوگا۔
ایک طرف لیڈران قوم کو اکٹھا کرنے کی بات کرتے ہیں، دوسری طرف نوجوانوں کے ذہن زہر سے بھر دیے گئے، ہمارے لیڈران گرفتار ہوئے مگر پیپلزپارٹی نے کبھی ملک کو نقصان پہنچانےکی کوشش نہیں کی۔
محترمہ بینظیر بھٹو کوشہید کیاگیا تو صدر آصف زرداری نے پاکستان کھپےکانعرہ لگایا، شر پسندوں نے کرنل شیر خان کے مجسمے کی بے حرمتی کی، ہم سب شہدا کے وارث ہیں۔
9 مئی ایک دن کی بات نہیں تھی سالوں سے یہ سلسلہ چل رہا تھا اور میں یہ سب کرنے والے شخص سے زیادہ اسے قصور وار سمجھتا ہوں جس نے یہ زہرگھولا، سانحہ 9 مئی میں ملوث عناصر ملک دشمن ہیں انہیں سزا ملنی چاہیے۔