وزیر اعلیٰ پنجاب مریم نواز نے لاہور میں کلینک آن وہیلز منصوبے کی افتتاحی تقریب سے خطاب کرتے ہوئے کہا کہ کنٹینر صرف احتجاج کےلیے نہیں، علاج کے لیے بھی استعمال کیا جاسکتا ہے۔
انہوں نے کہا کہ پنجاب کو سیاہ دور سے نکال کر ترقی کی طرف لے جا رہے ہیں، پانچ سال نواز شریف اور شہباز شریف کی خدمت کو الٹا کیا گیا، اسے سیدھا کررہےہیں۔
وزیر اعلیٰ پنجاب کا کہنا تھا کہ پنجاب حکومت صحت کی سہولت عوام کی دہلیز پر لے کر جارہی ہے،کلینک آن وہیلز میں میڈیکل ٹیسٹ، مفت ادویات اور اسکریننگ کی سہولت موجود ہو گی، 40 لاکھ افراد کلینک آن وہیلز سے استفادہ حاصل کر سکیں گے۔