وزیر دفاع خواجہ محمد آصف نے کہا ہے کہ سلیکٹیو جسٹس انصاف نہیں بد دیانتی ہوگی اور یہ انصاف کا قتل کہلائے گا۔
انہوں نے سوشل میڈیا پر رہنما تحریک انصاف فیصل جاوید کے بیان پر ردعمل دیتے ہوئے لکھا کہ منصف کا مزاج ، پسند ناپسند، وقت اور موسم انصاف پر اثر انداز نہیں ہونا چاہیے۔
نواز شریف کے ساتھ بانی پی ٹی آئی اور ان کی سرپرست عدلیہ اور اسٹیبلشمنٹ نے جو کچھ کیا وہ تاریخ کاسیاہ باب ہے، جب مکافات عمل کی گرفت میں آئے ہیں تو نواز شریف پر پابندی یاد آئی ہے۔
بانی پی ٹی آئی عمران خان کے حقوق یاد رکھنے والی عدلیہ ماضی کے مظالم کا بھی ازالہ کرے،واضح رہے کہ فیصل جاوید نے کہا تھا کہ نواز شریف کو ٹی وی چینل پر دکھانے پر پابندی غلط تھی۔