وزیراعظم شہباز شریف کی زیر صدارت وفاقی کابینہ کا اجلاس ہوا جس میں فیض آباد دھرنا انکوائری کمیشن کی تحقیقاتی رپورٹ پیش کی ،کابینہ نے رپورٹ پر عدم اطمینان کا اظہار کیا ۔
اعلامیےکے مطابق وفاقی کابینہ نے کہا ہےکہ انکوائری کمیشن نے اپنے ٹرمز آف ریفرنس ( ٹی او آرز)کے مطابق کام نہیں کیا،وفاقی کابینہ نے فیض آباد دھرنا انکوائری کے لیے خصوصی کمیٹی قائم کرنے کی ہدایت کی ہے۔
خصوصی کمیٹی اس سلسلے میں اپنی سفارشات پیش کرے گی، کابینہ اجلاس میں وزیراعظم کا کہنا تھا کہ رپورٹ میں خامیاں ہیں، رپورٹ ٹی او آرز کے مطابق نہیں، وزیراعظم نے فیض آباد دھرنا کمیشن رپورٹ پر دوبارہ غور پر زور دیا۔
اس سے قبل چیف جسٹس پاکستان نے بھی رپورٹ کو غیرتسلی بخش قرار دیا تھا۔