وزیراعلیٰ پنجاب مریم نوازنے لاہور کو بہترین ماحول دوست رہائشی شہر بنانے کے لیے پائلٹ پراجیکٹ کا افتتاح کرتے ہوئے ایل ڈی اے ایونیو ون پارک میں پودا بھی لگایا اور انفورسمنٹ اسکواڈ کو نئی موٹرسائیکلوں کی چابیاں دیں۔
وزیر اعلیٰ پنجاب مریم نواز کو بریفنگ میں بتایا گیا کہ پارک میں جوگنگ ٹریک، واک ویز،کڈز پلے ایریا، اوپن جم ، بیڈمنٹن کورٹ،کیفے ٹیریا، مسجد اور روز گارڈن بنایا گیا ہے۔
اس کے علاوہ واک ویز اور سولر اسٹریٹ لائٹس بھی لگائی گئی ہیں۔ ایل ڈی اے ایونیو ون میں رین واٹر ہارویسٹنگ،سائیکلنگ اورماڈل قبرستان بھی بنایاگیا ہے، اچھا انتظام ہےمگرکسی دن اچانک آکردوبارہ بھی چیک کروں گی۔