پنجاب اسمبلی میں پیپلز پارٹی کے پارلیمانی لیڈر علی حیدرگیلانی نے لاہور میں میڈیا سےگفتگو کے دوران کہا ہےکہ ہتک عزت بل سے متعلق نہ پوچھا گیا، نہ بتایا گیا، پیپلزپارٹی کبھی اس بل کا حصہ نہیں بننا چاہتی۔
انہوں نے ہتک عزت بل کی منظوری کے روز اپنے ارکان کو غیر حاضر رہنےکا کہا تھا، بل کی منظوری کے روز پیپلزپارٹی کا کوئی رکن ایوان میں نہیں تھا، پیپلزپارٹی ہمیشہ میڈیا کی آزادی کے ساتھ کھڑی ہے، پیپلزپارٹی نےمیڈیا کی آزادی کی جدوجہد میں انتہائی اہم کردار ادا کیا ہے۔